මෙම වසරේ ජනවාරියේ සිට මේ දක්වා වකුගඩු රෝගයෙන් අනුරාධපුර දිස්ත‍්‍රික්කයේ පුද්ගලයන් 127 දෙනෙක් මිය ගොස් ඇතැයි උතුරු මැද පළාත් සෞඛ්‍ය සේවා අධ්‍යක්ෂ වෛද්‍ය පාලිත බණ්ඩාර මහතා පවසයි.
පසුගිය වසරේ එනම් 2016 වසරේදී වකුගඩු රෝගයෙන් අනුරාධපුර දිස්ත‍්‍රික්කයේ මියගිය සංඛ්‍යාව 296 කි.
වකුගඩු රෝගයෙන් මියගිය මෙම සංඛ්‍යාව රෝහලට ඇතුලත් කිරිමෙන් පසුව මියගිය සංඛ්‍යාව පමණයි. සමහර රෝගින් නිවසේ දී මිය ගොස් තිබෙනවා. එම රෝගින්ගේ සංඛ්‍යාව මිට ඇතුළත් වෙන්නේ නැහැ.
2017 ජනවාරි මාසයේ සිට අපේ‍්‍රල් මාසය දක්වා අනුරාධපුර දිස්ත‍්‍රික්කයේ වකුගඩු රෝගින් ගේ සංඛ්‍යාව 13451 වන බවට හදුනා ගෙන තිබෙනවා.
අනුරාධපුර දිස්ත‍්‍රික්කයේ වයස අවුරුදු 20 වැඩි පුද්ගලයන් 627854 ක් සිටිනවා.ඉන් සියයට 34 ක් හෙවත් පුද්ගලයන් 213583 කගේ රුධිර සාම්පල් පරික්ෂා කිරිමෙන් වකුගඩු රෝගයට නිත්‍යම ලෙසටම ගොදුරු වු පිරිස හඳුනා ගැනිමට හැකිවුණා.
අනුරාධපුර දිස්ත‍්‍රික් ලේකම් ආර්.එම්.වන්නිනායක මහතාගේ ප‍්‍රධානත්වයෙන් අනුරාධපුර දිස්ත‍්‍රික් ලේකම් කාර්යාලයේ පැවති දිස්ත‍්‍රික් කෘෂිකර්ම කමිටුවේදි වෛද්‍ය පාලිත බණ්ඩාර මහතා මෙසේ පැවසිය.
Comments
Post a Comment